img
الرئيسة / أطباق رئيسية / أطباق لحوم / يخنة البامية بالثوم والريحان

يخنة البامية بالثوم والريحان

/
/
/
3707 مشاهدات

يخنة البامية بالثوم والريحان, من أشهى أنواع الطبيخ هو طبيخ البامية, صديقتنا المبدعة Reema Awwad‎ تخبرنا طريقة مميزة لإعداد بامية, ستفوح رائحتها المنعشة في كافة أرجاء البيت.

يخنة البامية بالثوم والريحان

الطريقة:
– بنسلق اللحمة مع المطيبات (فلفل أسود حب، بهار حلو حب، عود قرفة، ورقتين غار، ٣حبات هيل، بصلة مقطعة أرباع) لحين النضج، وفي طريقتين للبامية:
الأولى/
– بنقليها قلي عميق وبنصفيها من الزيت قبل استعمالها في اليخنة.

الثانية/
– تتفلب بشوية زيت خفيف شوي وبعدين نكمل طبختنا فيها.

ونتابع باقي الخطوات:
– بنعصر حبتين بندورة حمرا وطرية وبنصفيهم بطنجرة وبنضيف معلقة صلصة بندورة أو أكتر حسب الكثافة المطلوبة.

– بعدين بنضيف شوي من مرقة اللحمة وبناخد البصلة اللي كانت في مرقة سلق اللحمة وبنهرسها مزبوط وبنضيفها للبندورة وبنضيف البامية (المقلية قلي عميق ومصفية) وقطع اللحمة مع رشة فلفل أسود وبهار حلو وملح وبنخليهم يغلو سوا لحد ما تستوي البامية لكن لا تبالغوا في غليها عشان ما تصير طرية كتير وتتفتح ويخرب شكلها.

– وآخر خطوة بنقلي (نقدح) سنين توم مهروسين مع ٣ أو ٤ أوراق ريحان مفرومين أو كزبرة خضرا حسب الرغبة وتضاف القدحة للبامية ونتركهم يغلو دقيقتين وتقدم مع الرز بشعيرية.

– وفي حالة تقليب البامية بالقليل من الزيت بنضيف عليها البندورة المعصورة والصلصة وبنكمل باقي الخطوات كما في السابق وصحتين.

نسعد بمتابعتكم لنا على جروب زاكي لفن الطهي:
يخنة البامية بالثوم والريحان

16 تعليقاً

  1. الثوم قدح مو زاكي ابدا بطلع اله ريحه ع الباميه الثوم دق مع الكزبره الخضرا وحطيه اخر ربع ساعه ع الباميه وحطي دبس رمان ملعقتين معهم وشوفي الطعم امممم

اترك تعليقاً

لن يتم نشر عنوان بريدك الإلكتروني.