تارت الشكولاتة البيضاء

1 2٬844
تارت الشكولاتة البيضاء, تعددت انواع التارت فمنها بالفواكه ومنها بالشوكولا واليوم الشيف الرائع Eyad Abd يعرفنا على نوع تارت جديد وهو وايت شوكلت تارت.

تارت الشكولاتة البيضاء

 

اولا/ عجينة السابلية
المقادير:
250 جرام زبدة
200 جرام سكر بودرة
2 بيضة
فانليا
400دقيق
مقدار الشوكلت الابيض
250 جرام كريمة فرش او ويبنج كريم او كريمة لبانى
700 شيكولاتة بيضاء
ملعقتين زبدة

الطريقة:
– عجينة السابلية هنعملها ازاى, هنضرب الزبدة مع السكر كويس جدا لحد متبيض الزبدة وتبقى عاملة زى الكريمة.

– ننزل بالبيض واحدة واحدة ونسبها تضرب كويس.

– وفى الاخر ننزل بالدقيق والفانليا ونلم العجينة ونحطها فى الثلاجة ونسبها نريح يوم كامل فى الثلاجة لانك اول متطلعيها من المضرب هتلاقيها سايحة وبتلزق فى الايد.

– تانى يوم نطلعا ونفكها على الرخامة ونفردها بالنشابة فى فورم التارت الصغيرة او الكبيرة نخرمها وندخلها الفرن تستوى على درجة حرارة 160 لمدة تلت ساعة.

11751944_1636007656537777_5025561444547020483_n

– تطلع نسبها تبرد نبدا بعمل الشيكولاتة اللى هتتصب فى التارت وهى عبارة اننا هنحط الشيكولاتة البيضاء على حمام بخار لحد ما تسيح ننزل عليها على الكريمة الفرش والزبدة مع التقليب كلوا على حمام بخار وممكن نحط معها مكسرات ننزلها من على النار وتصب فى التارت السابلية اللى احنا سوناة ونفنشها فنش بسيط زى الصورة ونتركها فى الثلاجة لحد ما الشيكولاتة تبرد ونقطعها وبالهنا والشفا.

تارت الشكولاتة البيضاء

ملحوظة/
ممكن نستبدل الشيكولاتة البيضاء بشيكولاتة بنى غامقة لان فية ناس متحبش الشيكولاتة البيضاء.

نسعد بمتابعتكم لنا على جروب زاكي لفن الطهي:
تارت الشكولاتة البيضاء

عرض التعليقات (1)