طريقة كبة سهلة
طريقة كبة سهلة
طريقة كبة سهلة, معكم صديقة زاكي الشيف الموهوبة Mariam Zahrit Almadaen , اليوم عملنا كبة لبنية وكبة مشوية وشيشبرك وتبولة وطلعوووو بيشهووو لعيون الحبايب
مقادير عجينة الكبة :
١ كيلوغرام برغل ناعم، ابيض مغسول ومنقوع
1كيلو غرام لحم، خالي من الدهون هبره مفروم
رشة زنجبيل مطحون
ملح وفلفل أسود
الحشوة :
١ كيلوغرام لحم غنم مفروم خشن
٤ بصلة كبيرة، مفروم ناعم جدا
صنوبر محمر،
بهارات مشكلة
رشة زنجبيل وهيل ناعم
ملح وفلفل أسود
قرفة ناعمة
طريقة تحضير الكبة:
١. تخلط مقادير العجينة مع بعضها في محضرة الطعام أو مفرمة اللحمة.
٢. يقلى البصل بالسمنه او الزيت حتى تلين فقط وبعدها تضاف اللحمه والبهارات كلها وتقلب حتى تنضج وتترك حتى تبرد قبل عمليه الحشو.
٣. يؤخذ قطعه بحجم البيضه او اقل حسب الرغبة بحجم الحبة من العجين وتعجن باليد مع غمس اليد بالقليل من النشا المذوب بالماء حتى ما تلتصق العجينه باليد ويعمل فتحة بعجينه الكبه حتى تصبح رقيقه، توضع الحشوة بالداخل ثم تغلق الكبة وتكرر الطريقة حتى إنتهاء الكمية المراد قليها.
.وبنعمل قسم اخر ع شكل. اقراص للشوي
٤. توضع الكبة بالثلاجة لمدة ساعه ثم تقلى بزيت ذرة مع قليل من زيت الزيتون .ووضع ملعقة نشا بالزيت حتى لا تفرط الكبة .وتقلى على نار وسط حتى تنضج ويصبح لونها اشقر
الكبة الاقراص بنصفها بصينية مدهونة زيت وبنشويها بالفرن وبنحمرها ع الشواية
نخفق لبن بالخلاط مع اضافة ملعقة نشا
نطبخ اللبن على نار هادية حتى يغلي كالماء بدون فوران
الشيشبرك:
عبارة عن عجينة بدون خميرة بنرقها بالطحين وبنقطعها باي اداة دائرية صغيرة وبنحشي كل دائرة بملعقة من نفس حشوة الكبة وبنقفلها وبنثني اطرافها على بعض حتى يصبح شكلها كالقبعة وبنصفهم بصينية مدهونة وبنحمرهم بالفرن ….
طبعا انا قسمت اللبن قسمين قسم سقطت فيه الكبة المقلية حتى تصير كبة لبنية ، وقسم سقطت فيه طرابيش الشيشبرك
التبولة عبارة عن 3 حزم بقدونس منقاة ومغسولة ومفروم ناعم ..حبة بندورة او حبتين مفرومة ناعمة ورقات نعنع مغسولة ومفرومة .نص كوب برغل منقوع .بصلة مفرومة مع عصير حبة ليمون ورشة ملح وزيت زيتون ..وانا بفرم حبة خيار ناعم مع التبولة
#ابداعات ام نضال
