قصص ما قبل النوم قصة الليلة ربوني وربعرف اهلي

61 11٬656

قصص ما قبل النوم قصة الليلة ربوني وربعرف اهلي

 

قصص ما قبل النوم قصة الليلة ربوني وربعرف اهلي
قصص ما قبل النوم قصة الليلة ربوني وربعرف اهلي

قصص ما قبل النوم قصة الليلة ربوني وربعرف اهلي 

قصص ما قبل النوم قصة الليلة ربوني وربعرف اهلي, قصص ما قبل النوم قصة الليلة ربوني وربعرف اهلي, هذه الوصفة مقدمة لكم من قسم المنوعات في زاكي, قراءة ممتعة, وننتظر رأيك في التعليقات.

ربوني_وبعرف_اهلي
#بقلم_صبية_معنا
.
.الجزء الاول ..الثاني ..الثالث ..الرابع ..الخامس ..الاخير 
.
.ربوني وبعرف أهلي

لايؤلم الجرح إلا من به الم.
مثل بنسمعه كثير بس مابحس فيه إلا اللي عاش الموقف نفسه .
شهد بنت بيضاء شعر كستنائي عيون خضر طويله شهد وبجد هي شهد من روحها المرحه لشكلها الجميل عمرها 14بس اللي بشوفها بيحكي بنت 19 وهي واخوها وحيده عند امها وابوها بس بيوم كان في عرس بيت جيرانهم وانعزموا ومثل اي بنت لبست وحضرت حالها لتحضر العرس ……..
شهد ….ماما شوالبس
ام شهد…. البسي الفستان الاسود المخمل
شهد ….طيب وحرفع شعري هيك بس
)اتجهزت شهد لعرس بنت الجيران وماكانت عارفه انه هذه الحفله حتكون اول نظره لشخص لعب دور كبير بحياتها )
ام شهد … يله ماما جاهزه
شهد ….. اه ماما يله
(حفله مثل كل الحفلات بس ماكان فيه اختلاط بين النساء والرجال والنساء فرحانيين وبيرقصوا وشهد من بين الحضور واقفه وصافنه كانت عندها ميزه اذا بتصفن خلص لازم تخلص صفنتها 😎. وهي صافنه بالأرض لمحت حذاء رجالي بين المعازيم وكان كل الحفله للنساء وطلعت بنظرها لفوق لقيت شب مسند رأسه على ايده وصافن فيها 🙏🙏🙏 وكان بتمعن فيها لشهد طبعا مثل أي بنت احمرة خجلان وقررت تترك الحفله فراحت للبيت هي وامها وهو ضل يطلع عليها لغاية ماسكرة الباب طبعا بيت العروس مقابل بيت أهل شهد )
شهد …. شوهذا الوحده وين ماتروح بضلوا يطلعوا خلص والله زهقت حكيت عرس خاص للنساء ومافيه رجال منين طلعلي هذا والله جنني بس بيطلع عيب 😡😡😡
ام شهد …. معلش ماما شو نعمل الحلو حلو لو يصحى من النوم
شهد…😬😬😬😬.
.
.
.
.######الجزء الثاني #####
وصارت شهد كأنها بتتعثر بقصي وين ماتلف وجهها كان قصي بيطلعلها .حاول انه يحكي معها بس شهد كانت من النوع اللي مابتحكي مع شباب 😷😷
وفعلا بعد كم يوم ام شهد كانت بتحكي لجوزها انه بيت ام قصي طلبوا البنت شو رأيك الزلد عمره 18 واعجب فيها .
صار النصيب وانخطبت شهد لقصي وكان قصي طاير عقله بشهد وحبها على قولته وبسبب عمر شهد الصغير اهلها اشترطوا انه يضلو مخطوبين سنتين
فعلا انخطبوا سننين واتزوجت شهد قصي وكان طاير فيها وعاشوا عند اهل قصي وطبعا انتم ادرى بالحماه والكنه وبنت الحماه وافلامهم مع الكنه الجديده وقبل ماايصيرلهم سنه متزوجين كانت العيون عليهم ليش ماحبلت شهد
قصي ….شو ياشهد حيصيرلنا سنه ولسه ماحبلتي فلان اتزوج معنا ومرته حامل وفلان اتزوج ورانا ومرته حامل
شهد ….. مابعرف والله بس الدكتوره حكتلي انه رحمي نظيف وماعندي مشكله .
وقبل ماخلصت السنه حبلت شهد.👼
وجابت شهد ولد بيشبه قصي والكل طار فيه وسموه أنس بس خلال هالفتره كانت شهد ذايقه الأمرين من بيت عمها ومن زوجها وكانت ماتشكي لأمها لانه كانت الاسطوانه دائما وابدا يعدولها اياه بيت عمها انه بيت المراءه مقبرة سرها وعلاقتها مع زوجها واهله لازم ماتطلع برات البيت وفعلا بس ام شهد كانت اتشوف شهد دائما سرحانه ومهمومه والبريق اللي بعيونها انطفى تحاول تستفسر منها بس شهد كانت ماتحكي وتحصر بحالها وبيوم كانت سهرانه هي وجوزها بليل حكتله اذا عن موقف صار مع اخته وقدامها انها حكت مع شب وهي (شهد) خايفه على اخته لقصي لتنجر اجرها وتضيع سمعتها للبنت فحبت تتلاحق الموقف وياريتها مافتحت فمها ( دخان يعمي ولا برد يقتل) وراح الباشا جاب اخته وواجهها مع شهد وطبعا اخت قصي انكرت الموضوع كله وبعين صلفه وصار الحق على شهد وصارت منبوذه من أهله ماتحملت شهد استأذنت جوزها وراحت عند اهلها
وهنا (القشه التى قسمت ظهر البعير ) خلص حكيت شهد عن كل افعالهم معها طوال سنه و5 شهور من ضرب وبهدله وإهانة وضلت عند اهلها حردانه بس ابو الشباب قصي اجى صالحها بس بمقترح انه باع ذهبها واغراضها لانه بده ايسافر لان الوضع بالبلد مابينفع وهو مجرد مايوصل بيسحبها هي وابنهم أنس وفعلا سافر قصي وترك شهد وابنه عند بيت أهلها وطبعا بدون مصروف ولا أي مبلغ تصرف منه.
.
.
..###الجزء الثالث###
وطبعا كان كل مصرف شهد وابنها على اهلها من اكل وشرب وثياب وقصي بس كان يبعث لأهله ويتصل فيهم وبيوم أنس كان مريض ودخل مستشفى اتصلت شهد ببيت حماها مشان اتبلغهم انه انس بالمشفى وفعلا اجوها على المشفى وبس طلعت حلقوا يمين غير يعزموها على الغدى ورجعت الامور عاديه بس شهد عند بيت اهلها وتروح زياره عند بيت عمها وبيوم قرروا بيت عمها انهم ايسافروا للاردن بسسب الاوضاع السيئه ببلدهم وقرروا يخذوا معهم شهد وابنها عشان ايسهلوا على قصي معاملة سحب زوجته لعنده وكان يبعث فلوس لأهله وحتى لاخته اللي اوضاعها مش منيحه ومصروف لمرته وابنه مايبعث وبعد سنه من جلوسها عندهم بنفس البيت اجت اتزورها امها وبيوم كانت قاعده على البلكونه هي وامها فاتت للمطبخ تجيب الشاي وسمعت عمها بيحكي تلفون وبيقول …
ابو قصي ……ايوه ايوه طيب انت استنه تنها امها اتسافر واحكيلها هالحكي عجبها عجبها ماعجبها طلقها .😣😣😣
شهد…… معقول الحكي عليا طيب ليش 4سنين متحمله وساكته وبالاخر بده ايطلق ليش
رجعت شهد عند امها وقلبها حيوقف
شهد ….. ماما ماما الحقيني شوفي شو سمعت
ام شهد…. شو سمعتي يمه شوفي خير
شهد….. حكت لامها والغصه بقلبها وعيونها بتنقط دم مش دمع
ام شهد اصبري يمه ليكون مش عليكي الحكي اصبري وان شاءالله كلشي ببين
وفعلا ضلت شهد وامها مثل المصدومين وناموا كانه كان في جبل على صدرهم بس ثاني يوم الصبح حصلت القاضيه شهد وامها جالسين بشربوا الشاي اجى ابو قصي ولا كأنه حاكي شي
ابوقصي ….. قومي يأم شهد نفطر بصيرش تشربوا الشاي بدون فطور
ام شهد … اعذرني يابو قصي والله ماجاي عبالنا نفطر هسه خلص بس انجوع بنوكل اتفضل انتم افطروا
الو قصي …. شو ياام شهد الظاهر انك انت وبنتك مش حتجيبوها البر احنا من يوم ماجيتي وبنحكيلك بنتك منيحه ومافي منها لا ترى هيك مابصير…….وووو
شهد كانها كانت على الصامت وعيونها بس بتتفرج وفجأه
شهد….. عمي امبارح انا سمعتك انت وقصي بتحكوا هيك هيك ليش عمي ابنك بدو ايطلقني انا شو عملتله بشو قصرت معه او معكم انت معتبرتك زي والدي وبحبك وبحترمك هيك بترضى يصير ببنتك
وفجأه كانت الصدمه بوجهه ابو قصي ومش عارف شو يجاوب 🤐🤐🤐🤐😨😨😨

ابو قصي….. اه ابننا بدوا ايطلقك من زمان واحنا اللي منعناه وحكيناله لا اطلقها خليها بس مدامك ههيك…

شهد …… مدامكم هيك انا اللي مابدي ابنكم واللي ببيعني بالبصل ببيعه بقشوره قومي يمه ولمت ثيابها شهد وثياب ابنها عشان تطلع من البيت مع ابنها وامها😢😢😢

ابوقصي … مابتطلعي من البيت الا مايطلقك ابننا 😡😡😡

شهد … انا صارلي سنين بعيده عنه واصلا انا طالق
😿😿😿
وفعلا اتصل ابو قصي بأبنه وحكاله
ابو قصي ….. يابه احنا بدناش اياها وانت بدكاش اياها خذ طلقها.
شهد…. حطت التلفون على ذانها وحكالها انت طالق طالق طالق ……..😭😭😭😢😢😢
شهد اخذت ابنها وطلعت هي وامها لبيت خالتها اللي قريب من بيت حماها وهي منهاره شو بدها تعمل وشو بدها تعمل اقامتها بالاردن على اسم عمها كيف حتضل وكيف اطلع تعيش لكن ربنا كبير
وبعد كم يوم بتتفاجأ شهد انه اجاها تبليغ من المحكمه انها لازم تحضر لرؤية القاضي وهي بحياتها ماشافت محكمه اوقاضي بوم كتب كتابها جابولها القاضي على البيت
راحت شهد ثاني يوم للمحكمه وهي تدعي بدعاء المظلوم (يامغيث اغثني يامغيث اغثني يامغيث اغثني ياالله )
فاتت عند القاضي
شهد….حضرتك طلبت اتقابلني ياسيدنا
القاضي …. نعم بعد مااطلع على اوراق قدامه انت شهد عبد الرحمن
شهد… نعم سيدنا
القاضي…… ياشهد اجى لعنا عمك ابو زوجك هو والمحامي تاعه ورفع عليكي قضية منع سفر شو اقوالك
شهد….. ياسيدنا معك 5 دقايق تسمع قصتي
القاضي…. طبعا انا بعثت لاعرف شو قصتك لانه انا بهيك قضايابحكم غيابي بس لمن شفت عمك والمحامي تاعه قلت من هالكنه اللي بده يمنعها من السفر
حكت شهد شو صار معها للقاضي وبأمانه وحكتله انها ماعندها مصاري تصرف على المحاكم او توكل محامي او تضل بالبلد وبدها ترجع لاهلها

القاضي….. الله واكبر يابنتي الله وكيلك بالسماء وانا وكيلك بالارض روحي يابنتي ارفعي فضية نفقه لالك ولابنك وان شاءالله ربي بينصرك.
.
.
..#####الجزء الرابع#####

بعد عدة جلسات انحكم لشهد بمبلغ منيح الها ولابنها وابو قصي بطل يحضر المحكمه وقررت المحكمه انه هذا المبلغ ايكون دين على قصي اذا مادفعه سوف يتم القاء القبض عليه مجرد دخوله للبلد .
ورجعت شهد لبلدها مع امها وابنها
صار عمر ابنها 6سنوات وابوه مش متعرف عليه ولايتصل فيه ولا حتى يسأل عنه لبيوم اجى عريس لشهد وماكانت موافقه لكن امها اقنعتها انه لازم تتزوج مابصير اتضل هيك وفعلا اتزوجت بزوجها عادل وكان بحبها كثير وحملت بأبنها الاول من عادل وابنها انس معها لكن بس سمع قصي واهله انها اتزوجت قرروا يخذوا الولد اجى جده اخذه ودفعلها الدين اللي كان متجمع على ابنه عشان يقدر يروح ويزورهم والله اعطاها ولد لشهد احمد وصارت الناس تحكي الله عوضها عن انس بس ماحدى بيعوض عن الثاني وبسبب الظروف والاوضاع بلبلد ماكانت منيحه قرروا شهد وعادل ايهاجروا مع ابنهم أحمد وفعلا سافرت وضلوا باتركيا 3سنوات وخلال هالسنوات اجاها ولدين كمان بس مانسوها ابنها الاول انس وكانت تحاول تتصل عليه بس كان ابوه ومرت ابوه يفتحوا الخط ويتركوه عشان ماتحكي مع ابنها حاولت كثير تحكي مع ابنها لكن بلا جدوا
.
.
.الخامس والاخير
وبعد فتره قرر عادل انه يهاجروا على أستراليا وهاجروا ووصلوا وحاولت شهد اتشوف ابنها بس بدون جدوى وكان عادل جدا بغار عليها ومره شافت ابنها بالشارع بالصدفه 😭😢😭😢😭😢😭😢😢😨😨😨😨
شايفن الفلم الهندي هو هيك كان الموقف 6سنين مش شايفه ابنها وفجأءه اتشوفه بالشارع هجمت عليه وحضنته وبوسته من كل مكان وقلبها كان يخفق من فرحتها ماقدرت اتوقف على اجريها هداها ابنها بس هو كان بارد معها وحكالها انت امي اه بس انا مابقدر اناديكي ماما كان ايناديها ياحجه الام اللي بتربي مش الام اللي بتخلف وزوجة ابوه هي امه طلبت رقمه مااعطاها اياه لانهم منبهين عليه وصار يحكيلها انا مابدي اشوفك اواتعرف عليكي انت بعتيني بهذا المبلغ وانت وقعتي على بيعي لأهلي شرحتله انه هي ماباعته مافي ام بتبيع ضناها ولا بكنوز الكون بس من دون جدوى لانهم اهل ابوه كان مقنعينه انها باعته وطلب انه بعد مايشوفها ولا يحكي معها حاولت تحكي معه وتشرحله لكن دون جدوى وبعدها هي وياه بنفس البلد ومابتشوفه وبتدعي ربها ان الفرج قريب . ورجعنا على العنوان (ربوني وبعرف اهلي) المثل هذا هو عنوان هالقصه لانه قصي حكاه لشهد لمن طلقها عن ابنه وانها حتربيه بس ابنه حيرجعله .
هذه قصتي يااخوات أرجو رأيكم وشو بتتوقعوا انه ابني حيرجعلي والا مثل قصي هو الصحيح 😓😓😓😓

#انتهت
.
.حبيباتي القصة حقيقة كتبتها صبية معنا

عرض التعليقات (61)