الرئيسة / غير مصنف / مسابقات زاكي

مسابقات زاكي

/
/
/
3222 مشاهدات

مسابقات زاكي

مسابقات زاكي

معكم أدمن زاكي تمار جمعة

أهلاً بأحلى صبايا وبنات وستات من كل الوطن العربي
كالعادة بنحب نعرف رأيكم في المحتوى والنشاطات اللي بنقدمها لكم
المرة حابين نعرف رأيكم في مسابقات زاكي
لو سمحتوا احكولنا رأيكم بشفافية ايش عاجبكم وايش مش عاجبكم وايش حابين يكون في في المسابقات مش موجود حالياً

بالمناسبة هذه بحب أخبركم أنه الصبايا أصحاب الوصفات على زاكي بيقدروا يشاركوا ملفهم مع أصدقائهم وأقاربهم لحتى يشوفوا الوصفات تبعتهم على زاكي
طبعاً هذه الميزة بتساعد في مسابقات شيف الأسبوع كثير
الصورة التالية بتوضح زر المشاركة وإذا ما كان الزر هذا موجود عندكم حدثوا التطبيق من المتجر لآخر نسخة لحتى يظهر الزر رقم 2

الخطوات اضغط على ملفي 1 في الصورة بيطلعلك الملف الخاص فيك بما فيه الوصفات والإنجازات بتضغط على زر 2 بيطلع عندك القائمة رقم 3 اختار البرنامج اللي حابب تشارك ملفك عليه مثلاً صفحة الفايبسوك تبعتك أو رسالة لصديق أو أي برنامج تاني

بنستنى رأيكم يا حلوات

47 تعليقاً

  1. اشكرك اديمن تمارره ع كل المجهود
    وانا كتير بحب زاكي …بتمنا انه يكون لطباخ صفحه منشان تطبيق الوصفه …ويكون فيه اعجاب
    وتعليق اسرع يطلعو ..والمسابقات كتير حلوه تخلي جو حماس ومنافسه…وبتمنا الكو المزيد من النجاح

  2. والله المسابقات كثير حلوه ادمن

    وتخلينا نكتشف المواهب الي موجوده عندنا والتصوير أهم شي لانه حلو الوحده كل شوي تدخل وتشوف كيف طبخت ولمين طبخت لأنه الطبخ هو نفس وهوايه ومتعه وكل ست بيت تقدر تبدع في مملكتها (بيتها) وكلهن ما شاء الله مبدعااااااات بدون استثناء

    وانتو احلى ادمن

    واحلى زااااااااااااااكي 💐 💐 💐 💐 💐 💐 💐 🌹🌹🌹🌹🌹🌹🌹🌹

  3. السلام عليكم ادمن تمار…المسابقات رووووعة واضهرت فينا قدرات ومواهب وتفنن بالطبخ وتزيين وتقديم وتصوير الطعام مع شرح وافي للطبخة وبخطوات واضحة مع اجابة صاحبة الوصفة على كافة اسئلتنا…ارجو الاستمرار والابداع كما هو متوقع دائما منكم اسرة زاكي الرائعة….امنياتي بالابداع والتميز والتقدم للأفضل ان شاءالله…
    مع خالص شكري واحترامي وتقديري للأدمن تمار وكل اسرة زاكي والمشتركات المحترمات….
    🌷🌷🌷🌷🌷🌷🌷🌷🌷🌷🌷🌷🌷🌹🌹🌹🌹🌹🌹🌹🌹🌹🌹🌹🌹🌹♥️♥️♥️♥️♥️♥️♥️♥️♥️♥️♥️♥️♥️

  4. مشكوورة ادمن على تواصلك مع اعضاء زاكي واهتمامك في رأيهم..
    المسابقات جدا مفيدة وحلوة.. انا شاركت مرة وماحالفني الحظ ولما جيت اشارك مرة تانية ماكانت توصلك وصفاتي وماعرفنا وين المشكلة.. بس الصبايا بكفوا وبوفوا ..

    بتمنى بالتحديثات الجاي يكون زاكي اسرع من هيك.. بصراحة هوه رائع جدا ولكن مظلوم في قصة البطء .. ان كان في التعليقات او في ظهور الوصفات.. ياريت يكون في حل لهالمشكلة.

    المسايقة تطورت من البداية كتير زاد عدد اللي بفوزوا مش على دور ماشاركت فيها للأسف..

    ومابتخيل بدها اي تطوير.. غير الالتزام باظهار النتائج بالوقت اللي حاطينه.

  5. بسم الله الرحمان الرحيم
    بشكرك ادمن تمار على جهودك الرائعه وعلى تواصلك معنا ومساعدتك للجميع ويشكر كل العاملين معك جميعا
    المسابقات كانت فكره اجابيه وروعه وتعلمنا منها شغلات كتيره وكانت سبب في التواصل القوي بين الاخوات وعرفتهم على بعض اكتر ما بقدر اطلب منك تسرعي في تنزيل الوصفات لاني ما بعرف شو الظرف الي بتمرو فيه واشكرك شكر كبير على جهودك ويا رب يكون في ميزان اعمالك وجعلك الله من عتقاء هذا الشهر الكريم انتي والجميع

  6. يسعدها ئدمونتنا العسسسل مدام تمار😊😊😍
    بارك الله فيكي وفي جهودك لمسابقات كتير حلوه والتطبيق بجنن وكلشي ع كيف كيوفك الله يعطيكي الصحه ومن زايد لزايد ياااارب😊😊

    انا بقترح انو صاحبة الوصفه يكون بامكانها تعديل وصفتها داخل التطبيق ازا في مجال ونتائج يكونو آسرع من هيك وبس😆😆

    حبكم أنا وحب فنزاتي حبوباتي😍😘

    جعلني واياكم من عتقاء الشهر الكريم👐

    هزوره😍

  7. شكرا جزيلا ادمن تمارة بصراحة برنامج و مسابقات ووصفات رائعة و بتجنن الواحد بستفيد ….سبق و حكيت بعتبر برنامج زاكي من البرامج المهمة على تلفوني صعب الاستغناء عنه كل الاحترام و التقدير للجميع….

  8. احلى برنامج طبخ بلعالم واحلى صبايا موجودات فيه والشكر الك ادمن تمارا طبعا
    مافي اي تعليق برنامج روعه وراقي لأنه عرفنا على صبايا من كل البلدان العربيه ….الله يحفظ
    الجميع بخير وسلامه وسعاده يارب⁦♥️⁩😍🌸
    وكل عام والامه الاسلاميه بخير يارب ⁦♥️⁩😍🌸

  9. السلام عليكم
    المسابقات كثير حلوة وبيكون فيها منافسة بشكركم إلى جهودكم وبتمنى انه نصير ننزل فيديو مع الوصفة

  10. البرنامج رائع ومُفيد جداً شكراً جزيلاً على مجهودك 🌹
    والمسابقات كثيرة حلوه وتعزز روح المنافسة ومهارة الإبداع بين المتسابقات 💗

  11. يا احلى صبايا بدي طريقه عمل المبرومه مع جبنه وأهم شي شو نوع الجبنه ❤️❤️❤️❤️❤️👍👍👍👍👍👍🌹🌹🌹🌹🌹🌹🌹😀😀😀😀😀😀💯💯

  12. المسابقه كانت كتير حلوه تعرفنا على صبايا من مختلف البلدان وتعرفنا على وصفاتهم الرائعه وشكر خاص للادمن تمار على جهودها الجباره في انجاح هذه المسابقه وننتظر مسابقات اخرى في الايام القادمه وكل عام وانتم بالف خير

  13. مسابقات حلوة بس لو الوصفات تنزل بسرعه احلى انا حابة يكون كل شيف ممكم يحكي مع تاني بطريقة سريعة حلو كمان وانتو بتجنننو حلوة فكرة زاكي وكل ما تتطور اكثر بيكون احلى وبدي وصفتي تنزلوها بسرعه 😂😘😘😘😘😘😘

  14. حبيبتي تمارا حابه أعترض اعتراض صغير اتمنى من الجميع انهم ما يزعلو من الكلام اللي رايحه اقولو او حدا يتحسس لأني ما بقصد وحده والله أعلم بالنوايا🤗❤❤
    حبيبتي ادمن إزا بتقدري تقللي او تحددي الوصفات الرئيسيه فقط وتمحي اللي ما إلها داعي لانو في كتير وصفات ما إلها داعي وغير مهمه بدون ذكر امثله مع عدم المؤاخذه من الجميع صارت تخرب على الشيفات او الماهرات في الطبخ وفعلا بدون إنكار في وصفات راائعه ماشاءالله عنجد بتستحق الفوز والشكر😊😙 وبصراحه بطل الواحد يلحق على الوصفات وانا بعتذر من كل وحده حست انو بكلامي في اشي بجرح او زاعلها لأني قسما بالله ما بقصد اجرح وحده او ازعلها وممكن الكلام يكون مردود إلي فش حدا احسن من حدا بتمنى انك تحلي هاي الشغله ازا بتقدري 💜💜
    وانا بتأسف من الجميع وانا ما بحب اجرح حدا منكم او اسيء لأحد لأني صدقا بحب كل المتفاعلين واعضاء زاكي بلا استثناء لأنهم أكبر مني سنا ومهاره😍😍 و مبدعات ما شاء الله عن الجميع ولأني كتييير استفدت من كل الوصفان بالنسبه إني بأول حياتي في تعلم الطبخ بشكرك ادمن على هاالبرنامج الراااائع وبشكر الجميع وبقلهم إني بحبكم من كل قلبي والله 😘😘🤗🤗😊😊😀🙈🙈🙈👭👭👭💋💋💋❤❤❤❤❤❤💖💖💖💖💞💞💞💞💞💗💗💗💗💗💗💗❣❣💕💕 وبشكرك حبيبتي تمارا الك كل الشكر والتقدير على هاي المسابقات الراااائعه😍😍🙌🙌🙌🙌🙌🙌🙌👭👭👍👍👍

  15. يسلم ايديكي حبيبتي ادمن برنامج رووووعه وادمن أروع وطباخات أروع واروع واكلات أكثر من رااائعه ماااااشاء الله عن الجميع 😎😎😋😋💝💛💝💞💜💟💟💖💗❣❣👏👏👏👏
    بحبكم كلكم كلكم واموت عليكم انا😍😍احلى أمهات وخوات وصديقات الي وازكى إناث معدلات بالعاااالم😍😍😘😘😘😘😗😗😗😙😙😙😚😚😋😋😋😋❤❤❤💘💘💓💓💓💕💕💕💖💖💗💗💗💙💚💚❣❣💟💟💞💞💞💝💝💝
    بس انتو بتاخدو اثم علينا برمضان حرااام😪😫😫😫😓😓🤕😭😭😭😢😢🤒😷😷😷😤😤😖😖🙁🙁😂😂😂😂😂😂😂

  16. احلى تحيه لتمارتنا وحبيبتنا ادمونه😍😍😍😘😘😘😘😘😄🙊🙊👭👭✌✌🙆🙆🙌🙌👏👏👏👏👍👍👍👏👏👏👏💞💞💃💃💃💃💃💃💃💃

  17. اسرة زاكي وادمن تمارا بتشكركم من كل قلبي على البرنامج الرائع وجهودكم الرائعه وتعبكم معنا وماشاءالله عنكم مابتقصروا بمساعدتنا..
    صراحه المسابقات جدا رائعه خلقت فينا روح التنافس وأظهرت قدراتنا ومواهبنا بعالم الطبخ..
    بس في نقطه لو تؤخذ بعين الاعتبار انه يكون تنزيل الوصفه اسرع وصراحه انا بقدر جهودكم معنا..
    بتمنى للبرنامج التقدم والتطور والنجاح ان شاءالله..
    👍🌹🌹

  18. يعطيكي الف عافيه ادمن على مجهودك بزاكي 😘😍 وخصوص بالمسابقات ما عليها كلام ما شاء الله كلنا بنتعلم وبنستفيد من بعد وكل يوم الا ما تمر علينا معلومه جديده او نصيحه بعالم الطبخ
    عن جد يسلمو ويعطيكي الف عافيه
    بس الاشي الوحيد متل محكو الصبايا الوصفات بتوخذ وقت لتنزل وهاد بس الشي الوحيد الي بنطالبكم بتعديلو والي الامام ان شاء الله دايمااا
    بانتضار مسابقاتكم الشيقه والحماسيه
    كل الاحتراام والتقدير تمار 😘😍😘

  19. القطر الخفيف والساخن بخليها طريه لازم أن يكون ثقيل وبارد يجب وضع القطايف ساخنة في قطر بارد

    الزيت قليل يجب أن تقلي القطايف في زيت غزير ساخن، حتى تحصلي عليها مقرمشة وهشة

  20. والله انا استفدت كثير من كل الطبخات الي تنزل على زااااكي

    والتنوع في الوصفات كثير حلو لأنه كل ست بيت مبدعه في شي

    في ستات مبدعات في الحلويات وفي الأطباق الرئيسيه وفي المعجنات وفي ماشاء الله تبارك الله في كلهم مبدعاااااااااااات

    وانا والله احب اتعلم طرق جديدة للوصفات بكل أشكالها 😊😊😊😊😊😊😍😍😍😍😍😍

  21. حبيبتي ادمن تمارا برنامج رائع جدا ومميز بمعنى الكلمة رائع بيكي وبالأخوات الغوالي والوصفات الرائعه المميزة ويكفي انو برنامج الكل بيستفيد منو على مستوى الوطن العربي وخصوصاً الصبايا المبتدأ وشكرا على جهودكم ومزيد من التقدم انشاء الله شكرررررررررررررا

  22. زززاااكي اسم ع مسمى
    بس لو تحطو خاصية تكبير الصورة لما تضغطي عليها تفتح بشاشة كبيرة بكوون ممنونتك

  23. ياريت تحطي انو نحنا نقدر ندردش مع الشيف بخصوص للوصفة وكمان يكون في حذف الوصفة في ملف الشيف أو التعديل ياريت نقدر نضيف الوصفات بسرعه بدون ما يتأخر ياريت بن قدر نحط صوره في ملف التعليق يعني متل صوره شخصيه وبسسسس 😚😚😚😚😚😚

    يا احلى زايد واحلى ادمن فعلا أنك أروع ادمن شفتها في حياتي بالتوفيق حبيبتي والى الامام

  24. السلام عليكم ورحمة الله وبركاته… الحلوة تمارة كمان انا اقول نريد خاصية تكبير الصورة….. لو يكون في قسم خاص للقصص والمواضيع الأخرى.. والسلام على الجميع

  25. الحلو بالبرنامج انه بيعطي اي وحده حماس ومع الزمن بتصير تبدع برافو كل ما كثرو الشيفات بيكون ابداع اكثر برنامج بيعطي ثقه بالنفس وما في احتكار ع شيفات معينيين برافو برافو برافو غير ممل وحلو كثير كثير

  26. الله يعطيكم العافيهةلجهودكم الجباره وتعاونكم مع الأعضاء بكل رحابة صدر واحترام برنامج رائع ومريح جدا بالتعامل جميع الأعضاء كالأسره الواحده حبهم واحترامهم لبعض سمة من سمات البرنامج وهذه الصفه هي من اساس نجاحه . .
    ربنا يوفقكم ويسعدكم والى الأمام دوماً…

اترك تعليقاً

لن يتم نشر عنوان بريدك الإلكتروني.