الكيكة المخملية الحمراء الوصفة بالتفصيل والشرح الوافي
الكيكة المخملية الحمراء الوصفة بالتفصيل والشرح الوافي
معكم صديقة زاكي Buthayna Ghanem مسااااااكم مخملي متل كيكتي ☺☺☺
رد فيلفيت كيك اكتر كيكة بحبها وقريبة على قلبي والطريقة بالتفصيل الممل رح اكتبها هﻻ
المقادير:
كوبين وربع طحين
كوب ونص سكر
بيضتين بحرارة الغرفة
معلقتين كاكاو
معلقة صغيرة باكنغ باودر
125 غرام زبدة بحرارة الغرفة
كوب حليب سائل مضاف عليه معلقة خل ابيض صغيرة
وبنتركهم عشر دقايق
نص معلقة ملح صغيرة
معلقتين طعام صبغة حمرا ..انا استخدمت البودرة ..
ازا السائلة بنستخدم العلبة الصغيرة كاملة
معلقة فانيلا
ربع كوب زيت
معلقة صغيرة خل ابيض
معلقة صغيرة كربونة
الطريقة:
اول شي بنخفق الزبدة الطرية مع السكر خمس دقايق لحتى يتجانسو كويس وبعدها بنضيف البيض والفانيلا مع استمرار الخفق وبنضيف الزيت وبنكمل خفق كويس
بنكون ناخلين الطحين والكاكاو والملح والباكنغ باودر سوا وانا حطيت
الصبغة معهم لانها بودرة …
بنبلش نضيف الطحين مع اللي نخلناهم المواد على خليط الزبدة بالتناوب مع خليط الحليب والاقضل مو خفاق كهربا بهالمرحلة …وبس نخلص كل الكمية بنيجي لاهم خطوة …
بنحط معلقة الخل عالخليط وعليها معلقة الكربونة واول ما تفور فورا بنحركها مع الخليط وبنكون مجهزين القالب او القوالب اللي بدنا نستخدمهم …
انا هون استخدمت مقدار ونص لاني عملتها عالية …بس تستوي وتجهز بالطريقة العادية بنخبزها متل اي كيك .
بنتركها تبرد تماما …
طبعا قبل ما نزينها بندهنها عالخفيف بقطر خفيف عشان تكون رطبة كو كمية كبيرة بس يا دوب دهن ..وبنزينها بكريمة الجبنة …
مقادير كريمة الجبنة:
300 غرام جبنة فيلادلفيا بحرارة الغرفة
عليها كوب سكر بودرة
ظرفين دريم ويب …كريم شانتيه
نص كوب كريمة خفق سائلة …
3 معالق زبدة كبيرة بحرارة الغرفة …
الطريقة لكريمة الزبدة:
بنخفق الجبنة مع السكر والزبدة لحتى تصير طرية وخفيفة
بنخفق الكريم شانتيه مع كريمة الخفق بس تتقل وتصير كثيفة بنضيفهم مع خليط الجبنة وبنخفقهم سوا كوويس …
بنتركها بالتلاجة كم ساعة وبعدها بنستخدمها
تحب تشاهد وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب
عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية
عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد
احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي