كوكيز الخوخ وبالخطوات المصورة
معكم صديقة زاكي المميزة الشيف شذى الورد
كوكيز الخوخ ?….
جربت اكثر من وصفة لكن بصراحة معجبني غير هذه الي هسة رح اكتبها كولش عاجبني من زمان اطبق هالبسكويت وكولش حبيناا بالبيت رووعه بالشكل والطعم مال واحد يخلي منظر مياكل منه هههه
مقاديري مكتوبة بصورة وايضا رح اكتبها هنا
١٢٥ غرام زبدة يعني نصف باكيت الزبد
بيضة وحدة
بيكنك باودر ملعقة شاي فقط
فانيلا كيس واحد
كوب سكر بودرة
دقيق استخدمت ٢ ونص كوب انتبهوا للدقيق احتمال ياخذ عدكم اقل او اكثر ضيفو بالتدريج لما تصبح عدكم العجينة لينة وتتركوها ترتاح بالثلاجة نصف ساعة طبعا طريقة العجن كالتالي ?
ناخذ الزبدة متكون سايحة تكون باردة
اضيف فوگاها السكر والبيضة واعجن بيدي او بالعجانة بعدها اضيف البيكنك باودر والطحين لتضيفون بكثرة حتى ليصير البسكويت عبارة عن شي ناشف مطيب العجينة من ترتاح بالثلاجة رح يبرد الزبد وتصير عدكم سهلة التشكيل الصور توضحلكم طريقة العمل شوفوهاا وايضا رح انزل رابط لفديو يوضح الطريقة الكم اكثر لكن مالكم علاقة مقاديرهم الطريقة فقط لاحظوها
وطبعا استخدمت للحشوةة علبة نوتيلا
والالوان الغذائية الي دهنت بيها الكوكيز اصفر اخضر احمر او وردي لينطينا طابع الخوخ الحقيقي هواي حجيت مو هههه انشالله يعجبكم وطبقون الوصفة وتدعولي بالخير واكولكم ملاحظة اتركوو للصبح يطلع طعمه روعه شكلته باللليل الصبح الطعم رهيب ?هذا
درجة الحرارة ١٤٠ مدة الشووي ٣٠ دقيقة او اقل حسب نوع الفرن عدكم ??
??