معمول العيد مواصفاتها ناجحة سهلة طرية وما بتاخد وقت
معمول العيد مواصفاتها ناجحة سهلة طرية وما بتاخد وقت
مواصفاتها 
?ناجحه .. سهله .. طريه .. لذيذه..وما بتاخد وقت كتير ..معتمديتها راااائعه
مكوناتها :
سمن بقري ضروري..سميد ناعم (طحين فرخه) سميد خشن .. حليب..سكر..محلب..ماءورد وماء زهر .. خميره فوريه .. منكهات اضافيه اختياريه .. يلي بحب بكتب الطريقه إن شاءالله
معكم صديقة زاكي المميزة الشيف Nădă Aûdĕh Măhmõud
الطريقة:
بتحطي بجاط
?
4 كبايات سميد خشن..? وكبايتين ونص سميد ناعم طحين فرخه? ومعلقه شاي خميره فوريه? وكوب سكر ?ومعلقه ونص محلب? وازا بتحبي شي مطيبات زياده عزوقك انت انا بحب اليانسون مطحون ناعم بحط شويه وعزوقكن
بتخلطيهن هول وبتحطي عليهن كبايه ونص سمنه بقري نوعيه منيحه مدوبه سخنه مش كتير بين الدفا والسخونه مش كتير بتحرق المهم.. وبتفركيهن فرك منيح مش عجن بإيدك وبترجعي بتضيفي نص كوب يكونوا مخلوطين بين ماءورد وزهر دافيين بتسكبيهن وكمان بتفركي منيح وآخر شي بتضيفي كوب وربع الكوب حليب سائل دافي وبتفركي منيح بكونوا عجينه سائله معلي هيك مطلوب وبتغطيهن 4 ساعات يرتاحوا وبهالوقت مرتين بالشوكه بتقلبيهن ببعض وبعد اربع الساعات بتحطيهن ساعه بالبراد وبترجعي بتشيلهن بتعجنيهن ليدفوا بإيدك وبتبلشي شغل فيهن الحشوه يلي بتحبي
بدهن شي 15 دقيقه وحسب الفرن بفرن حامي من فوق وتحت ودرجه حراره 180 وصحه وهنا
الحشوه تمر مع معلقه زبده وكمان منكهات خسب الرغبه ممكن كمان تزيدي جوز للتمر بالحشوه بتعجنيهن سوا اكيد جوز مقطع قطع صغيره
وممكن جوز وممكن فستق حسب رغبتكم
