طريقة عمل المدلوقة

10 16٬271
المدلوقة, من الحلويات العربية الأصيلة التي تشتهر في لبنان, وصفة مميزة جدا تجمع بين عدة نكهات, مناسبة لضيوفكم أو مناسبتكم السعيدة , نتابع هذه الوصفة مع المبدعة Wafa Ramene‏, فلنتابع الطريقة مع مبدعتنا.

 المدلوقة
المقادير للطبقة الأولى:
اربع ملاعق تقريبا سمنه نباتي
كنافه
قطر ثقيل

الطريقه للطبقة الأولى:
– بطنجرة منحط اربع ملاعق تقريبا سمنه نباتي نضيف فوقهم الكنافه ونضل نقلب فيهم ليتشرب الكنافه كل كمية السمنه وتستوي وتصير طريه لمده لا تقل عن ربع ساعه.

– بعدها منكون محضرين القطر وجاهز بنصير نسكب قطر فوق الكنافه وهي على النار ونقلب,كل ما تتشرب نزيد ونقلب على طول
وهيك لنحس انه الكنافه شبعت قطر وكانت طريه مو جامده وماسكه ولازم تكون كتير حلوه وطريه ومستويه ما فيها تيبس
وهيك الطبقه الاولى جهزت وهي سخنه نجيب صينية التقديم وندلقهم فيها بكل سهوله ونفردهم بطبقه مو سميكه كتير تكون وسط او رفيعة.

المقادير للطبقة التانية:
لتر حليب بارد ( لتر = 4 اكواب)
2 ملعقة كبيرة نشا بحليب بارد
3 ملاعق كبيرة سكر
3 ملاعق كبيرة ماء
علبة قشطه

الطريقة للطبقة التانية:
– لتر حليب بارد على النار بنحطه عالنار ليسخن وندوب كم ملعقة نشا بحليب بارد على جنب ومنضيف ملعقتين او تلاته بس سكر ونضيف ملعقتين او تلاته ماء , وعندما  يقرب يغلى الحليب بنحط النشاء الي دوبناه وبعد هيك بنطفي الغاز ومنكون محضرين علبة قشطه بنضيفها فوقهم ونحركهم ليختلطو منيح, هيك جهزت الطبقه التانية.

للتزيين:
– أنا زينت بلوز مقلي وفستق حلبي مطحون عبيت الفراغات.

– نضع الحلوى بالتلاجة لتاني يوم أو ساعتين عالاقل واستمتعوا بطعمها الشهي.

نسعد بمتابعتكم لنا على جروب زاكي لفن الطهي:
المدلوقة 

عرض التعليقات (10)