القصة واااقعية تعليقات باحترام الصبية راح تتابع التعليقات

القصة واااقعية تعليقات باحترام الصبية راح تتابع التعليقات
هذه القصة مقدمة لكم من قسم المنوعات في زاكي, متابعة ممتعة نرجوها لكم, وننتظرر رأيكم في التعليقات.

#كش_ملك
#بقلم_heba_saeed
#قصص_الاعضاء
#قصص_من_الواقع

ملاحظة : القصة واااقعية تعليقات باحترام الصبية راح تتابع التعليقات اي تعليق مسيء راح ينعمل بلوك ✋️

شوية ناس واخ من هالناس
دخلو حياتي و صارو متل الوسواس الخناس
لعبو فيني متل حجر شطرنج
وكنت بايدهم متل نهاية اللعبة كنت كش ملك

هم كسبو وانا خسرت
هما فرحو و انا اتدمرت

وصلت لطريق مسدود
وصار على عيني غشاء ممدود

بعد ما كنت انا الضحية
صرت انا المتهمة بالقضية
وكله بيرجع لسبب اني ضعيفة شخصية

ام أمل : الله يوفقك يا ماما و يوقفلك ولاد الحلا بطريقك يا بنتي

امل : باي ماما
ام امل : الله معك

طلعت امل من البيت للمدرسة كان في شب بوصلها بالباص عالمدرسة

الشوفير : تاخرتي كتير امل لا عاد تعيديها
امل : اسفة حاضر

وصلو المدرسة و اخدت دورسها و روحت برضو مع ذات الشوفير
تاني يوم تكرر السيناريو ووصلها عالمدرسة بس هاليوم كان مختلف شوي

أسعد ( الشوفير ) : امل بصير تضلي شوي بدي ياكي بكلمتين قبل ما تنزلي
امل : اها اكيد تفضل
اسعد : امل انا الي من متى بوصلك ؟
امل : مممممم من زمان
اسعد : طيب ما حسيتي باشي اتجاهي طول هالفترة
امل : ……..
اسعد : انا من زمان بحبك يا امل ما بعرف اذا بتبادليني نفس المشاعر

امل ما عرفت من وين اجتها القوة و حكتله بحبك و هربت بعدين عالمدرسة

اسعد حط ايده ورا راسه عالمقعد بالسيارة و رجع حاله لورا و تنهد تنهيدة من قلبه و حكى بتحبني و غمض عيونه

طول اليوم بالمدرسة امل ما كانت على بعضها ابدا من التوتر و الخوف

امل : انسة بصير روح عالحمام ؟
الانسة : شو مالك هي تالت مرة بتنزلي
اما : ما بعرف يا انسة شكلي ماخدة برد
الانسة : ماشي انزلي

نزلت امل و ركت ضهرها عالحيط
امل : اتاخ حاسة بطني بتقطع من التوتر والخوف يا رب يا رب

خلص نهار امل المدرسي

اسعد هالمرة وصل كل البنات قبل امل

امل : ليه تركتني اخر وحدة ؟
اسعد : لاحكي معك
امل : بس نحنا حكينا الصبح
اسعد : لا بعدنا ما حكينا
امل : طيب تفضل احكي حدا ماسكك 😒
اسعد : ههههههه ماشي يا ستي حابب احكيلك اني من زمان بحبك كتير بس ولا مرة اجتني الجراة احكيلك انتي من متى بتحبيني ؟
امل بخجل : ممممم مو من زمان كتير
اسعد : يعني سابقك بخطوة انا بحبك اكتر منك
امل : اسعد اتاخرت كتير عالبيت يلا
اسعد : لك من عيوني

وصلت امل عالبيت استقبلتها امها هاللحظة لما شافت امها تزكرت دعوتها لما دعتلها الله ييسرلك ولاد الحلال كانه السما كانت وقتها مفتوحة لهالدعوة ❤️

ام امل : عاملة معكرونة بالبشاميل يلا غيري تيابك و تعي تغدي

امل : ياااا رب اليوم كلشي بحبه و بدي اياه بصير

ام امل : وشو الي بدك اياه و صار حبيبتي ؟

امل : اه لا ولا شي ماما بس حتى دروسي خفيفة و سهلة و انسة الرياضيات غايبة تخيلي

ام امل : هههههههههه الله يكملك بعقلاتك يلا يلا

مرت الايام والليالي و هي و اسعد صارو احلى تنين بمناقراتهم و مناغشاتهم و جكرهم لبعض الله يحميهم

بس يا ترا عطول الزمن بينصفنا او لازم اوقات يغدر فينا ؟

اسعد : بدك بوظة ؟
امل : لا ما بدي
اسعد : بس انا بدي
امل : شو يعني بدك يعني اتفرج عليك
اسعد : يعني حتحرميني من الاكل كمان 😒
امل : روح جيب لكان
اسعد : رايح اكيده ما بدك وحدة ؟
امل : لا
اسعد : ماشي

راح و جاب حبة بوظة وحدة
صار يجاكرها فيها

امل : بدي بوظة
اسعد : بس من دقيقتين ما كان بدك
امل : ايه و هلا صار بدي عندك مانع ؟
اسعد : لا طبعا امسكي بوظتي لجيبلك بس مش تاكليها
امل : ما بضمنلك 😂

راح اسعد و جاب حبة بوظة

اسعد : وين بوظتي ؟
امل : ممممممم اكلتها العصفورة
اسعد : ايوا حكيتيلي العصفورة والعصفورة تركتلك شوي على طرف شفايف😂
امل : المهم وين حبتي
اسعد : هاي صارت حبتي بدل تاعتي الي اكلتها العصفورة
امل : بدي بوظتي بدي بوظتي صارت متل الاطفال بين ايديه و اكلت حبيتين البوظة 😂

جد كانو احلى تنين

صارلهم تقريبا سنة مع بعض لحد ما بيوم

اسعد : حبيبتي بدي اشوفك بالحديقة
امل : حبي ما بقدر اليوم
اسعد : ضروري دبريها
امل : خلص ماشي بعد ساعة بشوفك

طلعت امل لعند امها

امل : ماما بدي شوية اغراض من المكتبة للدراسة
ام امل : خليها لبعدين بتجيبيها هلا برد عليكي
امل : ماما انا هلا عم ادرس و محتاجيتهم كتير
ام امل : ماشي ماشي يلا روحي بسرعة لا تتاخري

بعتت مسج ل اسعد انه حتشوفه هلا و بس ٥ دقايق رد عليها و حكالها اصلا ما بدي اكتر من هيك

طلعت امل تحت هالبرد و لابسة كل الخزانة على حالها حاكم شهر ١٢ تلج و برد كتير

امل : شوفي ليش جبتني هيك على ملا وشي
اسعد : بدي اخطبك
امل : هههههههههه اكيد عم تمزح جايبني لتنكت انت 🙄
اسعد : لا ما عم امزح انا بدي اخطبك ما عاد فيي اضل احكيكي هيك بدون اي شي رسمي بيناتنا
امل ضلت ساكتة من الصدمة

روحت امل عالبيت بدون اي حرف منها لاسعد مصدومة ما كانت متوقعة بهالسرعة هاي يخطبها مصدومة و مبسوطة كتير بنفس الوقت

مسكت موبايلها بعتتله مسج فقط هاد الرقم ********* و تحته مكتوب ابو امل

اسعد : اخيرا اخيرا لا تخافي من اشي انتي الي

تاني يوم رن موبايل البيت عالعصر

ام امل : الو …. اهلين … اها تشرفنا … ممممممم اه بنتي بتدرس بعدها اول ثانوي … وشو بشتغل حضرته ؟ … خير خير …. اهلا وسهلا ما عنا شي بتشرفونا

ام امل : امل شو يا ماما من وراي
امل عملت حالها مش فاهمة : شو قصدك ماما
ام امل : مطبقتيه للشب بس انا ما بستلطفه ابدا
امل : ماما بس يجي الشب و تشوفوه بصير خير
ام امل : يعني كلامي مزبوط خير خير

اجو بعد يومين اهل اسعد و كان معهم

ابو امل : اهلاوسهلا شرفتونا
ابو اسعد : الله يزيدك شرف يا رب

قعدو و شربوهم القهوة بس القعدة ما كانت لا عاجبة ابو امل ولا ام امل ورفضو اسعد بشكل تام اتدمرت نفسية امل بس اسعد ضل معها و ساعدها لتتخطاها

وصلها مسج على الفيس من حساب بعده معمول جديد

مستخدم فيسبوك : اسمعي ولي شرشوحة بتبعدي عن اسعد احسنلك اسعد الي انا و بس و بحبني الي و بس

انا تدايقت من الكلام كتير بالذات اني ما قدرت ارد عليها لانها باعتة و لاغية الفيس

امل : اسعد شو هالمسج الي وصلني ؟

اسعد : اي مسج ؟

امل : وحدة باعتيتلي انه بتحبها و ابصر شو و تخبيص

اسعد : اهدي اهدي حبيبتي حكيتيها بلسانك تخبيص يعني ما في منه هالكلام هاد

وانا صدقته لانه حبنا اكبر من اني اصدق مسج فيسبوك بدون اثبات و خلال هالفترة كتير حاولو يخربو بيناتنا بس حبنا اكبر بكتير من هيك

لحد ما بعد فترة اهلي حنو علينا بعد ما هددتهم انه ما بتزوج غيره و بحبه و فعلا وافقو و صارت الخطبة كنا نحنا التنين طايرين بالسما متل الغيوم الخفيفة فرحتنا مو واسعة الدنيا

خطبنا يا الله شو كان حنون عليي بخطبتنا الله يحميلي اياه

ام امل : الحمدلله الي وافقنا عليه طلع جد ابن عالم و ناس الله يهنيكي حبيبتي

ابو امل : وانا والله كنت ظالمه طلع زلمة ابن زلمة

امل فرحت كتير كتير بهالكلام انه اهلها حبوه متل ما هي بتحبه

اسعد : حبيبتي بكرا راح نعزمكم عنا عالغدا

امل : ليه يا روحي في شي ؟

اسعد : لا حبيبتي بس حابين نكسبكم عالغدا

امل : ماشي حبي خلي امك تخبر امي

اسعد : بتكون خبرتها هلا وانا بحكي معك

ام امل : يا امل وينك ؟

امل : ههههههههه ليكها عرفت و بدها تخبرني يلا باي

اسعد : بحبك

امل : بموت فيك

********

ام امل : بنتي بكرا اسعد و اهله عازمينا عالغدا

امل : بعرف ماما

ام امل : صار حاكيلك

امل : ههههههههههههههه

رحنا تاني يوم عالعزومة كانت قعدة حلوة كتير

اسعد : حبيبتي بدي نطلع انا و امك عالبيت عنا على بيتنا

امل : ليه صار شي ؟

اسعد : اها و بدي تشوفو بعينكم

امل : خير انشالله

طلعو فوق واول ما فتح اسعد باب الشقة نطت من مكانها امل من الفرحة شو هاد شو هاد شي بجنن

اسعد : يعني عجبك

ام امل : ما شاء الله ما قصرت بتعفيش البيت

اسعد : خليتلك اياها مفاجاة ❤️

امل : بحبك

اسعد : بموت عليكي

ام امل : احم احم

اسعد و امل ههههههههههه

**************

و مرت هالفترة هاي من احلى فترات حياتهم

اجا وقت العرس و طلعت من الصبح على الصالون و جابت بدلتها طلعت كتير كتير حلوة

وصلت الصالة و عيونهم غرغرو من شوفة بعض بهيك يوم الكل كان حاسدهم على هيك حب

امل : اسعد انا طالعة مو حلوة ابدا 😭

اسعد : ولك اسكتي اسكتي بتجنني انتي بتجنني

و دخلنا الصالة و الكل بستنانا و رقصت معه على الرقصة الاولى

اسعد : تسمحيلي بهالرقصة الاولى

امل : لا طبعا ما بسمحلك انت بتفرض وجودك بحياتي فرض

اسعد : حملها و صار يلف فيها

ورقصو بعديها على اغنية يا بنت السلطان
و دخلو الزلام و كل العيلة صارت موجودة و دموع امل خانوها فراق الاهل و انه البنت حتصير ضيفة على بيت اهلها صعبة بس انه حبيبي جنبي كان يروقني

اليوم صارلي ٤ اشهر متزوجة و حبيبي سندي بحمد الله ليل نهاري عليه بحبه و بحبني و بدللني

اسعد : حبيبتي اليوم جاي عنا رفيقي و مرته

امل : ممممم حبيبي جيب جاهز لانك تاخرت لخبرتني صعب الحق اطبخ

اسعد : خلص ماشي هلا بجيب

جهزت امل شوية مقبلات و سلطات عملت كيكة و زينتها بسرعة

رن الجرس

اسعد : ها هي وصلو ، اهلا اهلا حبيب قلبي خالد

امل : اهلين شرفتونا

خالد : مبارك زواجكم انا خالد و هي مرتي سوزان

سوزان : مبروك

قعدو على السفرة و صارو يتسايرو مسايرات عادية

سوزان : مممم شكلك ما بتعرفي تطبخي لحتى جبتي جاهز !

امل ما عرفت ترد لانه قلبها ابيض و طيب و ما الها عهيك قصص ف رد عنها اسعد

اسعد : مبلا بتعرف تطبخ و طبيخها كتييييير زاكي بس انا خيرتها بوقت غير مناسب

سوزان زورتها لامل و كملت اكل و خلصت السهرة

الحمدلله حياتي الزوجية و دار حماي كلهم كانو يحبوني كنت اصغر بنوتة و بحب الضحك و بضحك الكل الحمدلله

وهالايام مرت و بيوم زوجي كان بشغله

اسعد : الو كيفك ؟

امل : مشتاقيتلك

اسعد : وانا اكتر يا عمري شو بدي احكيلك خالد رن علي و حكالي سوزان بدها تيجي عندك

امل : ماشي حبي اهلا وسهلا

وامل ضلت لابسة بيجامة و ربطة شعرها لورا رن الجرس

فتحت امل و رحبت و سهلت ب سوزان

سوزان : كيفك يا بطة

امل : الحمدلله تمام ، حروح اعمل قهوة
نظراتها ما كانت مريحة ابدا ابدا بس حكيت بجوز اول مرة بتشوفني لابسة بيجامة هيك

فجاة و هي حاطة ركوة القهوة اجت سوزان و حضنت امل من ورا

امل انتفضت و صرخت بوجه سوزان

امل : انتي شوووو بتعملي هاد سحاق والعياذ بالله لشو بدك توصلي

سوزان : لك والله والله بمزح بغلاوة خالد عندي بمزح

امل تقبلت كلامها انه جد مزح

سوزان : اسمعي معي دخان و بدك تدخني

امل : بس …

سوزان : لا بس ولا غيره

امل : ………

صارت سوزان تفضي السيجارة و ترجع تعبي و تلف و ترجع تعبي وانا مش فاهمة شو بتعمل ابدا ومدت ايدها بسيجارة علي واخدتها لاني خفت منها
سوزان صارت تصور امل و هي بتدخن عشان تصير تهددها

بس يا ترى لوين حيوصل مع امل و سوزان المطاف ؟ امل حتعرف تتصرف او حتكون ضعيفة شخصية زيادة عن اللزوم ؟

*****************

امل : ليش بتصوريني ؟

سوزان : ولا شي بس منظرك كان حلو

و صورتني مزا صورة وانا بدخن الحشيش او شو ما كان بس انا ما كنت اسحب لانه ما كنت بعرف للدخان

و اجت عندي مرة

سوزان : بدي مصاري

امل : شو ! ليش ؟

سوزان : هيك بدي مصاري عندك مانع

امل : بس انا ما معي ؟

سوزان : يا بتعطيني مصاري او بوصلو الصور لاهلك و جوزك

امل من الخوف اعطت سوزان فلوس من الي بيعطوها اياها اهلها …. صح هي تجوزت بس اهلها ما قطعو عنها المصروف

مرت الايام و سوزان ما عادت تشبع فلوس ابدا

امل : بس انا ما معي مصاري هلا ؟

سوزان : بدك تدبريها باي شي كان

امل : لك والله والله ما معي

سوزان : ارجيني ايدك !

امل : ليش ؟

سوزان سحبت ايدي واخدت دبلتي سحبتها من ايدي كانها سحبت روحي مني لك هاي من عمري و حياتي زوجي طلعت سوزان و قعدت امل تبكي

مرت الايام و سوزان طمعها كل مالو عم بزيد الغلط مش غلطة سوزان لكن ضعف الشهخصية كان سيد الموقف

ربما ولدت في زمان غير زماني
و كل ما ازدت طيبة زادت احزاني
كبرت و كبر معي ضعف الشخصية
و ما كان لي بيد القدر اي عرفاني
عرفانً يقيني من غدر البشر
ولم يتهاوى للحاقدين اي كسر
ولكن ما تهاوت هي روحي كالشجر
لعبة بيد من كان شيطان
شيطان نسي اني من روح و دم نسي اني انسان

اسعد : حبيبتي بدي احكي معك
امل : تفضل احكي سامعتك
اسعد : صارلك فترة ما عم تكوني معي غير بالجسد لكن عقلك بمكان تاني
امل : لا لا حبيبي بس شوية تعب و ارهاق مش اكتر
اسعد : خير انشالله

و مرت هيك الايام بهالطريقة هاي اسعد مش فاهم شو بصير مع امل و امل بعالم تاني تماما

بعد فترة من الزمن اجو ناس من قرايبي سكنو عندي ببيتي لانهم اتطرو وكنت مبسوطة فيهم ضيوف خفاف لطاف لكن سوزان كانت جدا مزعوجة من هالشي و ما كانت موافقة

سوزان : انا ما عم اخد راحتي و احكي تلفون

امل : و شو اعمل ما بقدر اطردهم من بيتي

سوزان : ايه لكان الصور بكبسة زر بكونو عند زوجك

امل : خلص خلص بحاول الاقي حل

بعد فترة اسبوع تقريبا

اسعد : امول بدنا نترك البيت الاجار و نسكن بغرفة عند اهلي

امل كانه ربحة اليانصيب بهالحل الي بعته القدر الها

امل : ماشي حبيبي المهم اكون معك وين ما كان

و فعلا نقلو على بيت حماها و كان الوضع ممتاز هي بتحب بيت حماها و هما بحبوها كتير

سوزان ما عجبها الوضع بالمرة

امل : الله يخليكي ما تعملي هيك

سوزان : لكان انا بتغدري فيني هيك رقمك راح يصير عند كتير شباب

امل : خلص خلص بعطيكي قد ما بدك ….

********
اسعد : امل فلوسي صايرين ينقصو غريبة

امل : ما بعرف بجوز صرفتهم بشي مكان و انت ناسي

صرت اخد من فلوس جوزي من وراه لانه الي معي ما عادو يكفو طلبات سوزان و هو ابدا ما شك فيني مفكرني مستحيل اعملها

بس سوزان فعلا بعتت صوري لشباب و خلتهم يصيرو يحاكوني و يهددوني انه بدهم فلوس و ها الي صار …

بيوم كنت بزيارة عند اهلي واجت عندي عند بيت اهلي

سوزان : لازم تطلعي من بيت عمك ما في بنت ما بتحب تستقل في بيت لحالها و اريحلك شو بدك تقعدي تخدمي فيهم

و فعلا سوزان صارت تعبي براسي هيك كلام انه لازم استقل

و روحت على بيت عمي

امل : اسعد بدي استقل ببيت لوحدي
اسعد : شو ليش حدا من اهلي دايقك بشي ؟

امل : لا بس بدي استقل

اسعد : بس ما معي حق ايجار

امل : ما دخلني دبر حالك

و كبرت المشكلة ببنهم و راحت امل حردت عند اهلها

سوزان : اسمعي لو بحبك كان رجعك
امل و هي بتكبي :بعرف بعرف

صارت سوزان توسوسلي متل الوسواس الخناس و انا اسمع متل الهبلة و كل هاد وانا صارلي فترة عند بيت اهلي وانا بلشت اكره زوجي الي ما في منه بالدنيا

امل : سوزان بنت خالتي بدها تيجي عندي
سوزان : وشو يعني عم تقلعيني
امل : لا بس عشان مش حتاخدي راحتك
سوزان : لا حبيبتي منتعرف ما عليه

***********

مروة : حبي اموووولة كيفك ؟
امل : اهلين بنت خالتي العسل بعرفك صديقتي سوزان
سوزان مدت ايدها لتسلم : تشرفنا
مروة : الشرف الي
و قعدو و تسايرو
سوزان : مروة والله انك دخلتي قلبي يا بنت احكيلي احكيلي عندك حبيب ؟
مروة : اه عندي عموووورة الله يحميلي اياه تعالي افرجيكي صورته
سوزان : هاتي لشووف ما شالله الله يحميلك اياه
مروة : عن اذنكم بدي ادخل الحمام
امل : اذنك معك حبيبتي

مسكت سوزان موبايل امل و صارت تدور بين الاسماء
امل : شو بتعملي ؟
سوزان : ما دخلك و ما بتفتحي تمك بحرف
امل :……

اخدت سوزان رقم حبيب مروة

بعد فترة صارت تجيبلي حبوب مخدرة بتاخديها ما بتعرفي شو بتعملي بعدها و هي كانت تعطيني اياها عاساس حبوب مهدئة عشان الكئابة الي انا فيها وانا صدقتها للاسف

و بعد فترة كان عرس حدا من قرايبي و شفت حبيب مروة هناك

امل : شو بدك ؟
عمر : بدي اتعرف
امل : اذا بتكرر هالشي بخبر مروة
عمر : اهدي اهدي مجرد تعارف

و مرقت هالقصة

بعد فترة في رقم غريب ببعتلي و ما عرفت من مين بعدين اكتشفت انه من حبيب مروة عمر كان مهددها يا بتعطيه رقمي او بحبر اهلها عنهم و هي خافت و اعطته رقمي

عمر : شو يا حلو ما بدك تعبرنا
امل : عفوا مين ؟
عمر : معجب
امل : حل عني مخربط بالرقم
عمر : لا ما مخربط هي الدليل

و بعتلي فيها صورة الي وانا باخد حشيش

امل : الله لا يوفقك من وين هالصورة
عمر : اعطيني مصاري بخبرك
امل : يا الله هي سوزان تركت معي فرنك 😭
عمر : ما دخلني بدك تدبري و بحذفهم

بعد فترة اتطور الوضع بع ما اكتشفت انه سوزان هي الي متفقة مع عمر علي الله لا يوفقهم

دق علي الباب و كانت سوزان و بنت خالتي مروة وشب

سوزان : بدنا مصاري
امل : شووو ؟
سوزان : تعالي شوفي هالصور يا قطة و بتعطيني من تم ساكت

فرحتني سوزان صور الي مع شب وانا لابسة بيجامة 😳 كيف فبركتهم مش عارفة

امل : خدي خدي هي دهبي كمان بس بكفي

سوزان : يا عيني عليكي كمان شوي باجي انا والشب الي معه الصور و بحذفهم قدامك

امل بتبكي

راحت سوزان و احت بعد شوي و معها شب عاساس الي معه الصور

امل : سوزان وين رايحة و الشب ؟
سوزان : ما بتاخر راجعة

طلعت سوزان

امل : بالله عليكي احذفهم
الشب : اتطلقي من زوجك اول
امل : شووووو شو دخل هاي بهاي ؟
الشب : هيك اتفاقي معك انطلقي و بحذف الصور
امل : مش هيك اتفاقنا انا بحب زوجي كتير

فجاة
امل : ولي هاد صوت باص زوجي

الشب هرب ع مكان بالبيت ما بعرف وين و زوجي دخل وانا واضح علي الخوف

اسعد : شو مالك بترجفي ؟
امل : ااااه لا لا ولا شي

دخل ليغير تيابه شاف الشب جوا غرفة النوم
انا فعدت توازني ووعي

اخر شي بتذكره انه رن على اهله و اهلي ايجو يضبو فضيحتي الي ما عملتها
و الشب اكل ضرب من زوجي لكن الشب فرجاه صوري وانا بدخن حشيش

وانا يا سادة حاليا مطلقة عند اهلي و في بين ايدي بنتي ليمار و دموعي ما جفو

كنت و ما زلت و سوف ازال تلك ضعيفة الشخصية
كلمتي بين الناس مخفية

هاي قصتي بين ايديكم ادعولي بهالشهر الفضيل لعل من بينكم من هي مني لله اقرب

تكرار القصة واقعية الغلط ممنوع تعليق باحترام دعوة لصاحبة القصة حتتابع التعليقات معنا

انتهت